حضرت لكن في حضورك تأخرت
ولاجابك إلا خوف سَوْق المشاريه
وياليت يوم أبطيت قلت وتعذرت
أخفيت عذرك لا ولا جبت طــــاريه
والحقتها مبطي.. وهالحين بدرت؟!
لحظة ما قلت الليل طابت مســــــاريه!
وأقول بدري جيتني نور وأنورت
يا صاحبي مسراك ماهي محــــــــاريه؟!
ما تدري إني في غيابك تأثرت؟
ولا تشوف دمع/ن وسّمت بي مجــــــــاريه؟!
أقفيت.. وأنا في مكاني تسمرت
وأنا
عليم الله جرحي مــــــــــــــــواريه
قديم جرح ومن فراقك تضورت
جددت نزفه وأحسب إنك مــــــداريه
اظميتني وانت على غيري أمطرت
حتى رأيتك نهْر تجري تبــــــــاريه
ريقي تيبس من ظمايه وحدرت
ملح الفراق اللي حدر بالمكـــــــــاريه
لكن رجايه لبتعدت وتنكرت
وأغراك صبح/ن غردت لك نغـــــــــاريه
تعال
خذ روحي وأعدك مــا قصرت
واجتث
لي قلبي إذا منت شاريه
